تنظيف السجاد بدون غسيل

التنضيف الجاف للسجاد هو الحل الأمثل لربة المنزل حيث أنه يوفر الكثير من الجهد. والمال أيضآ نظرا أنه يحافظ على عُمر السجاد لفترة أطول. هنقدم خلطة تحفة تنضف وتلمع وتطهر كمان. لما تجربيها مرة هتعتمديها على طول.

المقادير:

* 2 لتر ماء.

* كوب خل.

* معلقة كبيرة ملح ليمون.

* نص كوب كربوناتو ( بيكربونات الصوديوم).

* داوني أو المُعطر المفضل ليكي.


الطريقة:

* هتقلبي المكونات كلها مع بعض في الماء.

* بإستخدام فرشة السجاد الطويلة أو العادية، هتحطيها في الماية وتصفيها وتنضفي بيها السجاد.

* الطريقة دي هتلم معاكي كل الوبرة والشعر والتراب اللي في السجاد.

* كمان لو في بقعة ملح الليمون هيشيلها.

* والخل دوره إنه يطهر ويحافظ على لون السجاد.

* المُعطر أو الداوني عشان ريجة السجاد تبقى حلوة.