طريقة عمل البيتزا بكل تفاصيلها من أول العجينة
 |
| طريقة عمل عجينة البيتزا |
البيتزا أكلة لذيذة وسهلة ومفضلة جدا خصوصا لدى الأطفال. هنقولك على طريقة سهلة وبسيطة جدا عشان تعمليها لأولادك في البيت بكل سهولة والنتيجة أفضل بكتير.
( لتحضير العجينة)
المقادير:
* عدد 3 كوب دقيق (يفضل دقيق بيتزا).
* ذرة ملح.
* معلقة خميرة فورية.
* معلقة سكر.
* علبة زبادي صغيرة.
* معلقة كبيرة مايونيز.
* معلقة صغيرة زعتر مجفف.
* ماء دافئ للعجن.
الطريقة:
* نخلط جميع المكونات، يفضل إختبار الخميرة مسبقآ في حالة عدم التأكد منها.
* نعجن كويس جدا مدة لا تقل عن 7 دقائق. نتركها تخمر في مكان دافئ لمدة ساعة.
* بعد الإختمار نقسم العجينة جزء. نفرد الجزء بسُمك 1 سم . هيعمل معانا صينية مقاس 30.
* نسيبها في الصينية ترتاح لمدة 10 دقائق.
( لتحضير الصلصة)
المقادير:
* عدد 2 كوب عصير طماطم.
* عدد 2 معلقة كبيرة زيت.
* بابريكا، توم باودر، ملح، فلفل اسود.
الطريقة:
* نخلط المكونات في كسرولة على النار ونسيبهم يغلو.. أول ما تتسبك تبقى جاهزة.
( البيتزا)
* نفرد الصلصة على العجينة اللي سيبناها ترتاح في الصينية 10 دقائق.
* نضيف طبقة من الجبنة الشيدر.
* نضيف الحشوة المفضلة ( فراخ - لحمة مفرومة - خضار - سجق ).
* نضيف الجبنة الموتزاريلا وممكن شرائح رفيعة من الفلفل والبصل.
* تدخل فرن ساخن على الرف الأوسط درجة حرارة 180 لمدة 12 دقيقة.
