مميزات وعيوب البنج النصفي و الكلي في الولادة القيصري..

مميزات وعيوب البنج النصفي و الكلي في الولادة القيصري

خلاص قربتي تولدي .. الدكتور حددلك ميعاد الولادة.. هتولدي قيصري.. يبقى الموضوع دة مخصوص عشانك.
(حقنة الرعب) اللي هي حقنة البنج بالنسبة للحامل اللي خلاص رايحة تولد. يا ترى هاخد بنج نصفي ولا كلي، طيب ايه الافضل،.....
في المقال دة هحكي تجربتي الخاصة مع النوعين (النصفي -الكلي)

أولا البنج الكُلي 

مميزاته 

* حقنة وريد سهلة بتاخديها في كانيولا مفيش أي ألم.
* نايمة في سُبات عميق مبتحسيش بأي حاجة والدكتور شغال.
* خروج البنج من جسمك مش بيسبب أي ألم.

عيوبه

* ممكن لا قدر الله متقوميش منه (نادرا حسب خبرة طبيب التخدير)
* مبتشوفيش طفلك اول ما بيتولد و دي لحظة حلوة جدا ما تتفوتش.
* الإحراج في ايه يا ترى اللي هتقوليه وانتي بتفوقي من البنج 😁
* احساس بالرغبة في الكحة وصعوبتها بسبب انبوب التنفس وانتي تحت تأثير البنج.

ثانيا البنج النصفي

مميزاته

* بتكوني اول حد يشوف طفلك اول ما يتولد و دي تقريبا الميزة الوحيدة في البنج النصفي.
* ساعات بيلجأ له طبيبك المتابع في حالة الولادة بدري شوية لأنه آمن للطفل.

عيوبه

* ممكن لا قدر الله يسبب شلل ( نادرا حسب خبرة طبيب التخدير).
* الحقنة تسبب ألم.
* الصداع المستمر بعد الولادة لفترة.
* الشعور بالبرد الشديد لحظة خروج البنج من الجسم.
* القئ.
* أثناء الولادة يتوقف الشعور بالألم، لكنك تشعرين بالشد والمزء.
* ألم في الظهر يستمر لفترة بعد الولادة.

في النهاية ربنا يقوم كل حامل بالسلامة ويقر عينها برؤية طفلها سليم معافى ⁦♥️⁩