طبيعي ولا قيصري ..!!!؟؟؟

أيهما أفضل الولادة الطبيعية أم الولادة القيصرية؟

بعد اللحظة دي بتبدأ رحلة الفرحة والإشتياق والمعاناه في نفس الوقت. ما بين الشوق لإنتظار المولود ويا ترى ولد ولا بنت، ايضا هناك معاناه من تعب وآلام الحمل. لكن بعد كل دة يبقى السؤال اللي بيحير كل حامل يا ترى هولد طبيعي ولا قيصري.
من خلال منشورات شوفتها في أكتر من جروب على السوشيال ميديا حوامل كتيير بيسألو ايه الأفضل الولادة الطبيعي او القيصري ودة طبعا يا جماعة اللي بيقدر يحدده الطبيب المتابع لحالتك من البداية. يعني لو طبيبك شايف انه في اسباب تمنع ولادة طبيعية بيلجأ للقيصري وفي الحالة دي بيكون هناك احتياطات وتامينات لحياتك وصحتك وصحة طفلك، متقلقيش الموضوع مش خطير.
طيب ايه مميزات كل نوع منهم...

الولادة الطبيعي 

و اللي باين من اسمها ان كل شئ طبيعي بيبقى أفضل 😁
مش بتحتاجي لفتح بطنك بمشرط الطبيب وأظن دي أحسن ميزة🤲
كمان بتقدري تتحركي وتقومي بمهامك كأم بعد الولادة بيوم أو يومين بالكتير.
كما ان الولادة الطبيعية تفيد طفلك حيث تمنعه من أمراض مثل الربو والحساسية.
بعد كل دة يعني الولادة الطبيعية دي ملهاش عيوب ؟!؟!
يعتبر العيب الوحيد هو الألم الشديد اللي بتشعر بيه الأم بداية من الطلق حتى نزول رأس المولود. واللي سرعان ما بتنسى الألم دة بمجرد رؤية طفلها وإحتضانه بالقرب من قلبها.

الولادة القيصري 

لو هنقول إن من مميزاتها عدم الشعور بألم الطلق فهيعادلها الشعور الفظيع بالألم مع اول مرة تتحركي من على السرير واول كحة أو عطسة أو لحظة خروج البنج من الجسم.
لو هنقارن بين الطبيعي والقيصري فهيكون النصيب الأكبر من المميزات في صالح الطبيعي حيث ان القيصري لا يملك سوى العيوب ومنها:
حالة الذعر من دخول غرفة العمليات وحقنة البنج و شق البطن بمشرط الطبيب"العلامة التي ستستمر معك طوال حياتك"، ايضا لحظة خروج البنج من جسدك، وعدم قدرتك على الحركة لمدة اسبوع على الأقل.
لكن أيضا عندما تحملي طفلك وتلعبي معه و ترينه وهو يكبر أمام عينيك، لحظتها يمكن ان تنسي أي إحساس بالألم او التعب قد مررتي به.
في النهاية أحب أن أكرر أن تحديد نوع الولادة هو من إختصاص طبيبك المتابع.. ولكل حالة مميزاتها وعيوبها.. ربي يرزق كل مشتاق الذرية الصالحة⁦♥️⁩