الكاتب 
* روتين الحياه اليومي بيسبب الملل. المشاكل العادية والمسؤوليات والضغوطات ممكن تؤدي للإكتئاب. عشان كدة لازم تفصلي وتغيري مودك. خودي إستراحة وإعملي حاجة بتحبيها. حاجة بتاعتك انتي بس. حاجة ليكي مش خدمة لحد غيرك. إنتي تستحقي 😗
* كل يوم بتصحي من يومك بتروحي شغلك. قبل أي حاجة إعملي نسكافيه باللبن مقاديره مظبوطة بالمللي في أحلى ماج عندك واستمتعي بشربه على مهلك وهو لسة دافي. انتي تستحقي 😗
* مش لازم تطبخي النهاردة. كل يوم بتقفي في المطبخ تعملي المحاشي والمحمر والمشاوي. خودي أجازة عادي الدنيا مش هتتهد. ياكلو من برة. أو التونة تسد مكانك هيشبعوا على فكرة واحنا بناكل عشان نعيش مش بنعيش عشان ناكل. واليوم دة تقضيه لنفسك بدل ما تقضيه بين الحلل. إعملي ماسكات لبشرتك، إهتمي ببشرتك، إعتني بنفسك. إنتي تستحقي 😗
* لما ولادك ينامو. حاولي تستغلي الوقت دة في حاجة تجدد طاقتك. كُلي الشيكولاتة اللي بتحبيها، إسمعي موسيقى تساعدك في الإسترخاء. انتي تستحقي 😗
* كل إسبوع فضي عبوة فيدروب على كوب لبن دافئ واشربيه. هيرفع نسبة فيتامين د في جسمك ودة بقى فوايده كتيييييرة جداااا. انتي تستحقي 😗
* إشربي عصير فريش من غير سكر. قللي السكر على قد ما تقدري ويُفضل تستبدليه بعسل نحل. أضرار السكر كتير أوي وأهمها انه بيزود التجاعيد حول العين. انتي تستحقي 😗
* أخر اليوم حطي رجلك في ماية دافية بملح. هتسحب كل الطاقة السلبية اللي في جسمك وكمان هتعملك ريلاكس رهيب. وهتشيل الألم اللي في رجلك من مجهود طول اليوم. انتي تستحقي 😗
* أخرجي مع أصحابك ولو مرة في الشهر. دة هيحسسك انك لسة عايشة. وكمان هيجدد الطافة ويخليكي مستعدة لحياتك. انتي تستحقي 😗
* حبي نفسك قبل أي حد. لان محدش هيحبك قدك. انتي تستحقي 😗
* متغيريش شخصيتك عشان حد. اللي يحبك يحبك بعيوبك قبل مميزاتك. شخصيتك أكيد هتقابل اللي يشبهها ويحبها. انتي تستحقي 😗
* حبي كل الناس وفي نفس الوقت بلاش تضغطي أعصابك وتتعاملي مع حد مبتحبيهوش. أعصابك هي اللي بتساعدك تعيشي، ريحيها عشان تعرف تسعدك. انتي تستحقي 😗
* أهلك قبل كل شئ. الأقربون أولى بالمعروف. هما دول سندك في الحياه. بلاش تخسريهم لانهم هينفعوكي أوي لما تحتاجيهم. انتي تستحقي 😗
* ولادك حياتك. هتتعبي وتضحي عشان تشوفيهم أحسن ناس في الدنيا. بس متجيش على نفسك لان محدش بينفع حد. عيشي حياتك وإبسطي نفسك عشان تعرفي تسعديهم. انتي تستحقي 😗
ضع رأيك هنا....
الابتساماتالابتسامات